அவனாலா?

அன்னம் மறந்தேன் அவனாலா?
அன்னம் பிடிக்காமல் ஆனதாலா?

இடைமெலிந்து ஆனது பாதியா?
இல்லையிது காதல் வியாதியா?

கைவளை தனியே போனதா?
இல்லையிது பசலையால் வந்ததா?

உயிர்மூச்சில் உன் வாசமா?
உன் சுவாசத்தின் மீதமா?

உதட்டின் ஓரம் மச்சமா?
உன் முத்தத்தின் மிச்சமா?

கண்மூடி உனைகாண்பது கனவா?
காதல் செய்த நினைவா?

தமிழ் தலைவன்

பொதுவுடைமை
பேசி
பொது சொத்துடைப்பர்

தமிழ் உயிர்
என்று
தமிழன் மடியதுனையாவர்

வாரிசு அரசியல்
மறுத்து
வாரிசு அறிக்கைவிடுக்கும்

தொண்டன்
விலை போகக்கூடாது
என்று
ஓட்டுக்கு காசுகொடுப்பர்

பெண்ணுரிமை
பேசி
33 க்கு முட்டுக்கட்டையிடுவர்

கள்ளக்கலவி
கொண்டு
காதல் எதிர்ப்பர்

சாதியியம்
மறுத்து
தனிஒதிக்கீடு கேட்பர்

காவியுடன்
கூடி
கடவுள் மறுப்பர்

நாற்காலியாசை
இல்லையென
சக்கரநாற்காலியில்
இருந்து பதில் அளிப்பர்