வழித்துணை

ஒற்றையாய் பயணம்
ஓர் சந்திப்பில்
பார்த்துக் கொண்டோம்
பழகி பயணப்பட்டோம்
உடன்படிக்கை இல்லை
கை கொடுத்தாய்
கை தட்டினாய்
ஆச்சரியங்கள் அள்ளிதந்தாய்
விருப்பங்கள் வேறு வேறாயின
திருப்பத்தின் முடிவில்
பாதை பிரிந்தது வேறு வேறாய்
பயணம் மட்டும் தொடருது
முடிவில் பார்த்துக் கொள்வோமா?
நிச்சயம் நினைத்துக் கொள்வோம்.

#என்அடிச்சுவடு

பால் வேறுபாடு இல்லாமல் இருவருக்கும் பொருந்தும்படி எழுதியது. இன்று இது கமல் கௌதமியின் பிரிவை ஞாபகப்படுத்தினாலும். பின்னர் பிரிந்த நட்பு, காதல், உறவு குறித்து இருக்க வேண்டும் என்று பாடுபொருள் உட்பொருளாக எழுதியது.